單車行山

2016 香港山野大事回顧

好老土咁講句,2016年又來到尾聲,各位山友今年上左幾多個山落左幾多條澗? 唔理出動咗幾多次都好,出得去玩都希望大家玩得開心。不過今年我地嘅郊野都有唔少大事發生,其中一啲仲令人心驚膽跳,而家就同大家一齊回顧一嘢。

香港山頭結冰

雖然已經係年初一月下旬嘅事,不過相信大家都記憶猶新,香港山頭突然染白,除左大帽山之外,其實香港好多過500米嘅山都結左一層冰。除左港女對住消防員捍衛自己登山嘅權利,同埋大批市民喺裝備不足嘅情況下衝上山睇香港結冰奇景,最大鑊嘅應該係氣侯反常嘅情況已經唔到大家唔關注。

搜尋關鍵字: 大帽山結冰

—————————–

西貢有結界? 鵬哥四日迷離之旅

自當年丁利華西貢失蹤自此音訊全無,到今年鵬哥迷失於西貢結界四日方成功脫險,可見不時都有不同原因的失蹤事件發生。對西貢有冇結界之說,網友們反應不一,有人表示可能是撞邪,亦有人認為是熱衰歇而產生幻覺,相信難以得出一個答案。難得鵬哥脫險後現身說法,大家對當時環境及情況有更多了解。

搜尋關鍵字: 鵬哥 結界

—————————–

馬西石澗大蟒蛇拖人落水

比起其他山野意外,大蟒蛇拖人落水事件對山友們嘅心理陰影面積應該係有過之而無不及,20呎長大蟒蛇喺行山隊面前拖女山友落女,而目的相信只有一個,就係覓食。好在其他隊友奮力營救事主並無大礙,向呢一班咁勇猛嘅山友致敬!

搜尋關鍵字: 西貢 大蟒蛇

—————————–

石澗接連發生意外

夏天係石澗活動高峰期,2016年關於石澗嘅意外頻生,大石石澗更曾發生少女失足墮潭死亡個案; 此外亦有行山人士山洪暴發被困屏南石澗,期間有姊弟二人失蹤,幸最後安全獲救。石澗活動危險性比行山高好多,所以大家一定要小心!

搜尋關鍵字: 石澗 意外


—————————–

研究開發郊野公園解決土地問題

呢個議題並唔係2016年先開始有人提出,早幾年開始已經有人不斷用唔同方式測試大家嘅底線。郊野公園作為香港重要嘅組成部份,亦都係香港人閒暇時嘅好去處,作為山友自然要好好守護我地嘅後花園,唔好比人亂咁嚟。

搜尋關鍵字: 開發郊野公園

—————————–

郊遊徑石屎化

對於在郊遊徑是否適合鋪設石屎路及梯級,基本上郊遊人士已取得共識,首先是破壞了自然景觀,亦有可能加劇水土流失,另一方面亦令到行山人士嘅膝關節承受更大負擔。多謝一班如「郊遊徑石屎化關注小組」嘅朋友一直爭取及表達意見,已漸步取得成果,包括促使有關部門與民間相討可行方案,例如以及天然石塊取代石屎工程等。

搜尋關鍵字: 郊遊徑 石屎化

—————————–

垃圾問題

香港一直比海洋垃圾問題困擾,今年七月就由國際權威傳媒CNN報導出南丫島污染情況嚴重,近日港府亦都首度承認部份海洋垃圾來自中國的垃圾船。除咗海洋垃圾,山上面嘅垃圾亦都唔少,對於熱愛自然嘅山友嚟講呢個情況令人痛心疾首,所以亦愈來愈多組織發起在山上海邊執垃圾活動,但參加者都表示所執之垃圾始終係冰山一角,只可以盡一分力。

搜尋關鍵字: 垃圾船 中國

(圖片來源:搞乜東東

—————————–

兩大營地同時暫停開放

由漁護署及康文署分別管轄的兩大營地,灣南及貝澳於今年年尾差不多同期暫停開放作草地及設施維護,令到一班露營發燒友頓失兩大環境優美而且容納人數極多嘅營地。不少人對兩署於露營旺季有此決定感到費解,當然亦有人表示兩個旺場營地使用量過高,係時候修整一下,同時亦可以趁機會迫使長期估用營地嘅「居民」離開營地,不過聽講灣南居民係離開左,去左灣西。

最後祝大家喺2017年出入平安,上山落澗玩得盡興。

Comments

comments

The author: feedtrip

Comments

comments