潮物裝備跑步

科學登山 一隻錶查心跳、記行程! – POLAR M600

21世紀行山,同上個世紀最大嘅分別除左個山多左人之外,好有可能就係科學過以前好多,而家求其一部電話都可以做到GPS Tracking,仲可以一直同外界保持聯絡,講緊係打卡呀,咁當然有起事上嚟仲可以求救啦。手機幫到行山嘅地方一啲都唔少,之但係下下由背囊攞個電話出嚟又真係唔多方便,而且仲有D咩功能係手機做唔到?
今次介紹Polar M600 智能運動錶,又睇下各位讀者啱唔啱駛?

M600最好玩嘅地方其實係,行完山收集好數據之後,對比返自己嘅心跳、速度仲有斜度,就可以充分了解自己嘅登山表現,下次上山又可以針對性提升體能表現,行遠啲睇多啲!

40年經驗打造,智能GPS心率錶M600
近40年嘅芬蘭品牌一直致力於運動生理研究同埋心率監測,好自然大家認識Polar 九成九都係因為心率錶呢幾個字啦!
想當年筆者都買過隻胸帶式嘅心率錶,由冇測心跳去到胸帶式心率錶已經好大突破,成個人當堂Professional左好多,再狂填鴨一堆心率令表現提升嘅理論,每次上山跑山都多左一種樂趣,可惜胸帶式始終多左舊嘢Cool住,起初唔慣真係有啲辛苦,而且行完山返嚟又多樣野洗,個人認為唔係幾爽。

直到近幾年智能穿戴裝置興起,Polar亦都推出左市面上第一隻以Android系統嘅智能心率錶M600,無需加配胸帶即可實時檢測心跳,齋睇spec好有可能係筆者嘅Dream錶,一於入手呢隻啱啱喺International CES嘅健身、運動及生物科技產品界別獲得2017年創新獎項及2017 iF設計獎殊榮嘅M600做個Review先講野。

Android 系統 無限擴充 支援iPhone
作為死硬派Android Fans,筆者家中平板、手機以至電視盒都係Android,喺咁樣樣嘅組合底下,加多隻android錶係好合理嘅,基本上憑住已經入血嘅android意識,一打開M600個盒已經識點用,就好似見到一個好朋友咁。最難得嘅係雖然係用Android 系統, 不過由於M600已經升級去Android Wear 2.0,就算你係iPhone用家都一樣支援。
相比市面上其他自行開發平台嘅智能錶,Android系統有一個明顯優勢就係Google Play入面過千種Android Wear嘅App都可以安裝,好似指南針、即時天氣,甚至遊戲都有…除左上山用,仲有大把野比你玩。
無拘無速 無胸帶式心率感應
自一眾智能錶面世以嚟,雖然唔係以運動作為主要用途,不過大部份都標榜帶有心率功能,呢類無胸帶式心率錶用到LED技術,原理係用LED燈照射血管再讀取血液流動以計算出心跳率,一般單LED嘅智能錶,喺靜止嘅環境下Check心跳問題不大,不過如果真係要一邊行山一邊Check,同史上第一隻配備6粒LED嘅M600比準確度自然大有分別。

配備6粒LED

三次戴住M600跑步測試, 兩次戶外一次Gym房,可以見到心跳全時間跟住運動量不斷改變。


比照跑步機上的心率監測器


全時間跟住運動量不斷改變

使用Android系統,內置Google Map隨時顯示身處位置

心率對行山人士最重要之處係比一個參考睇下自己係咩狀態,有時上上吓山Hyper得滯,以為自己愈行愈有,點知自己可能已經開始爆喇,影響行程事小,對身體造成傷害引起危險事大,呢個時候如果有心率錶就可以更有效地調整速度嚟配合自己嘅身體狀態。(可以參考返(220-年齡)=最大心跳率呢個最大路嘅計算方法。

同時接收兩套衛星定位系統
筆者以平時跑步路線為M600進行測試,向來以手機接收GPS做Tracking, 事關路線會經過天橋及橋底,發現M600在GPS訊號經過橋底消失時,而再接收的速度十分快。原來M600係同時接收兩套衛星定位系統 – GPS及Glonass (美國及俄羅斯嘅兩組衛星定位系統)取得位置資料,接收自然係更快更準。

舒適設計 一按即Track
M600採用矽膠錶帶,除左戴喺手上更為舒適,亦令錶帶更加耐用;

清潔或更換錶帶時只需用力拉開矽膠錶帶

由內套入錶身,唔駛驚行行下錶身會跌出嚟

由於M600係觸控設計,錶身冇太多按鍵,除左應用程式鍵 (錶側),仲有一個就係一按即進入Polar App (錶面下方),唔駛卒嚟卒去,一起步撳個制就開始一邊Check心跳一邊Track行程!

48小時續航能力
一聽智能錶都咁多功能又咁好玩,或多或少有D心動,但鬼叫之前嘅智能錶真係太大食,令人驚佢會好易冇電。其實M600連線至Android電話,正常使用可用48小時; 如果連去iPhone,就用到36小時。筆者做左個小測試,先將光暗度推至最光,叉滿電之後先跑45分鐘,跑完唔熄機,48小時後攞隻錶出嚟仲有36%電,再跑45分鐘仍有33%,續航能力予人信心。

專用App 及網站 – Polar Flow
做到GPS Tracking又點可以冇專用App對應? Polar Flow 就係比M600專用嘅運動App,除左用嚟幫M600做設定,例如加入不同嘅運動項目咁,仲可以喺大家行完山時睇返路線同個別時段嘅心跳率。

Polar Flow App可以Show到不同時段、斜度、高度嘅心率數據,行行下山想Share上FB介紹返自己有幾快腳? 可以直接用App影幅Share埋,仲已經有埋相關數據添,真係打字都慳返。

而Polar Flow 桌面版除左提供更詳盡嘅數據分析同圖表,仲有一個Relive功能,以Relive自己行過嘅路段,務求令你行完山返到屋企可以有多一個方式盡情回味。

Relive測試路段:http://flow.polar.com/training/relive/1291124168

睇得咁過癮又不如用埋Explore功能,搵埋三唔識七嘅山友嘅行山路線,去征服下人地行過嘅路段。

 

桌面版清楚咁顯示喺不同時段、斜度、高度嘅心率

戶外友最關心 – 防水防刮花
推介得比戶外發燒友用,又點可以唔預埋行澗泳綑先,防水規格達IPX8嘅M600有10米防水,戴住嚟游水一樣冇問題,而且加入全新的游泳指標功能,雖然GPS呢樣野一落水就Track唔到,不過M600一樣check到你每分鐘划水幾多次,仲知你用咩泳式游水果下先好玩,唔信不妨試下用蝶式泳綑,順便提高一下來自岸上嘅注目指數。

除左防水,錶面嘅耐用程度亦係戶外友關注嘅地方,M600採用Gorilla鏡面玻璃,清晰之外更係耐刮防花。

咁當然,M600連得線去你部電話,行行下山有咩Whatsapp呀Email呀甚至老蘋即時新聞呀,你望下隻手就睇到,都係果句,唔駛下下攞個電話出嚟,行得Free好多㗎。

POLAR M600 技術規格
作業系統 / Android Wear™
處理器 / MediaTek MT2601;以 ARM Cortex-A7 為基礎的雙核心 1.2GHz 處理器
記憶體 / 4GB 內置儲存空間 + 512MB RAM
螢幕 / 1.30 吋;240 x 240 像素;260ppi 透射 TFT 顯示器;Corning® Gorilla® Glass 3
電池 / 500mAh
電池續航力 / 2 日 / 8 小時訓練時數 (Android 手機);1 日 / 8 小時訓練時數 (iPhone 手機)
心跳率傳感器 / 光學心跳率測量系統連 6 盞 LED 燈
防水功能 / 游泳時可佩戴;可深潛 10 米水底;達 IPX8 級別
重量 / 63 克
連線能力 / Bluetooth® 4.2 Wi-Fi 802.11 b/g/n
尺寸 / 45x36x13
實體按鍵 / 2 枚按鍵:電源按鍵及前鍵,可迅速操控訓練情況
定位系統 / GPS 與 Glonass
Polar M600建議零售價
套裝有黑、白兩色,售價為$2,780。另有紅、白、黑三色矽膠錶帶可作自行更換,售價為$280。

有關博能(香港)有限公司

Polar – 心率監測、活動追蹤等運動穿戴裝置的領導品牌。憑借近 40 多年極具創意的生理及運動醫學研究經驗及傳承,為不同體能水平的用家提供全面的產品系列,當中包括單車心率錶、運動穿戴裝置及活動追蹤設備、訓練應用程式及網上服務。

總部設於芬蘭 Oulu 附近,是一家私人企業。產品由芬蘭的專業團隊研發及設計,獲獎無數,並成為了消費者的首選。Polar 的產品在全球逾 80 個國家、超過35,000 家零售商發售。更多資訊,請參閱 polar.com。

測試 / Feedtrip.com
Model / Gasha

回應

The author: Emily