行山除咗親近大自然、訓練體力、聯誼朋友之餘,揀啱路線仲可以學到多啲知識。今日特登揀咗幾條有戰時遺跡嘅行山路線俾大家,採索一下古堡同炮台。

1 摩星嶺炮台

摩星嶺炮台係香港其中一個最出名嘅炮台,炮台建於二十世紀初,但二戰時期被日軍轟炸;炮台一帶有五組大炮炮位、射擊指揮總部、火藥庫、營房、瞭望室、情報站等,屬於大規模戰時遺跡,亦經常有Wargame愛好者喺呢度開戰,係少數保存得完整嘅遺跡。

(圖片:香港山女)

交通資料:中環或銅鑼灣乘搭1號巴士往摩星嶺

更多資訊:http://www.feedtrip.com/1502/

 

2 松林炮台

松林炮台建於龍虎山克頓道附近,係較少人認識的炮台遺址。松林炮台係香港最高嘅炮台組,於海拔307米,有兩座炮台,配以指揮部、兵營、瞭望台、彈藥庫,同樣係規模較大嘅軍事區。但隨住摩星嶺炮台嘅建立,松林炮台早於1913年已被空置,大炮亦被移走。現時政府規劃咗「松林廢堡歷史徑」,向遊客介紹松林炮台嘅歷史。

(圖片:維基百科)

交通資料:港鐵香港大學站下車,步行至龍虎山郊野公園開始

更多資訊:http://www.feedtrip.com/1559

 

3 油塘魔鬼山炮台

油塘魔鬼山炮台相信係呢一、兩年最多人識嘅戰時遺跡,相比於其他遺跡,油塘最易去,而荒廢嘅碉堡被四周嘅樹木包圍,亦好有特色。加上魔鬼山可以睇到日落而唔怕太夜出唔返市區,啱哂一家大細一齊出發去探險。

(圖片:Capture of Life)

交通資料:港鐵油塘站下車,步行至炮台山

更多資訊:http://www.feedtrip.com/2832

 

4 西灣炮台

由鯉魚門公園開始行走,經西灣炮台晨運徑,需時1-2小時就可以到達西灣炮台。擁有一大座軍事建設遺跡嘅西灣,原來入面部分建築已被評為一至三級歷史建築,鯉魚門軍營亦曾經用作新兵訓練、倉庫同資料記錄室,軍事價值甚高。晨運徑成條都係石屎路,唔駛驚行得辛苦。

(圖片:Chris的小小世界)

交通資料:港鐵筲簊灣站下車,步行或乘的士到鯉魚門公園

 

5 分流炮台

分流炮台位於大嶼山西南端分流半島高地上,相信係明代至清代時興建,係香港被確認為最早建成嘅炮台。炮台以花崗石同青磚疊砌而成,炮台唔大,主要執行海防任務。後嚟因為新界租予英國,分流炮台被清廷廢棄。1981年,香港政府正式宣怖分流炮台為法定古蹟,而家遺址經過修緝已經十分方便遊客參觀同影相。

(圖片:香港人遊香港)

交通資料:東涌乘11或23號巴士到石壁下車,或梅窩乘1或2號巴士到石壁下車

 

6 東龍古堡

東龍古堡,又稱東龍島炮台,於康熙年間(1662-1722年)興建。炮台一直沿用以抵抗海盜,直至1810年被新興建嘅九龍炮台取代。1979年被立為法定古蹟,東龍古堡喺1979年-1982年期間進行修緝,如果有機會去到東龍島,不妨預多啲時間去古堡周圍睇下。

(圖片:文匯報

交通資料:港鐵油塘站步行或西灣河乘搭街渡至三家村,再於三家村乘搭街渡至東龍島

其實香港仲有好多充滿歷史嘅建築比大家了解呢個地方嘅從前,如果有時間,不妨抽一日時間去到大大小小嘅炮台同古堡,探險一下。

======================================================

Feedtrip歡迎所有戶外活動愛好者投稿,分享遊記或運動心得和故事。

聯繫我們:info@feedtrip.com

 

回應

The author: feedtrip