活動跑步

全城賽事-渣打馬拉松今日開始報名啦!

全港最大型嘅馬拉松賽事-渣打馬拉松2018開始報名啦!而今日開始直到9月6號都可以網上報名。個人賽事有全馬、半馬同十公里供報名,而隊制賽就只有十公里賽事。另外仲有十公里/三公里輪椅賽,只要有心有力所有人都可以參加!

報名費用為港幣350元,海外嘅參賽者報名則為60元美金。雖然話喺網上報名,但係由於每年嘅報名人數太多,所以大會會以抽籤嘅方法抽出成功同唔成功嘅參賽者,再以公益名額考慮最後會否入圍,真係講埋運氣。

 

提提大家,全馬賽事嘅參賽者必須於2018年年滿20歲,報名時亦須提供過去3年參加任何超過十公里嘅香港渣打馬拉松或其他海外馬拉松證明;另外參加半馬賽事或10公里賽事嘅朋友都要年滿16歲以上先可以參加。全馬賽事第一名會有65,000美金作為獎金,真係好吸引。

 

不過參加還參加,記住睇住自己身體呀。好似我咁,行十公里都成問題就…算啦。

報名及活動資訊:http://chi.hkmarathon.com/Home_19613.htm

回應

The author: feedtrip