潮物裝備跑步

全天候24/7健康監測:Polar A370

依家嘅都市人講求健康生活,除咗運動,飲食同休息都唔可以忽略。飲食簡單記住三大基本:少糖、少油、少鹽都可以食得健康。但運動同休息呢?每個人體質不一,究竟每日幾多運動同休息先最適合自己呢?Polar全新推出A370健身追蹤手環,就可以全天候幫到你track住每日數據,再根據你個人體質,為你提供247嘅健康指引。

Polar A370可以從數據中幫你保持活躍同作息平衡,再提供完整健身概念。A370錶身設計簡約輕巧,有彩色touch screen,仲配備唔同顏色嘅錶帶,咁就任何場合都啱戴啦!

A370最大特色就係無間心率監測功能(Continuous Heart Rate)。只要戴住手環同開著呢個功能,無論係瞓覺休息定活動,都會以最少每5分鐘自動監測心率,令你了解自己喺唔同時段做唔同活動對心率嘅改變,亦都更準確提供卡路里燃燒量。

除此之外,A370仲會建議你每日做咩活動去達到當日活動量嘅100%,例如慢跑、行路等等,以達到每日活動目標。如果你長時間唔郁,佢就會有震動提示(Inactivity alert)你係時候起身行下伸展下喇!

每日活動介面:可以清楚睇到唔同時段同活動時嘅心率

日間活動完結,夜晚戴住Polar A370瞓覺都可以track住你嘅休息數據!配合無間心率監測功能,睡眠監測(Sleep Plus)就可以探測用家嘅入睡時間、睡眠量同質素。由於錶身輕巧同幼身,所以戴住瞓覺都唔會覺得唔自在。(小編親身體驗過架!)

Sleep Plus介面:可以睇到瞓覺果陣邊段時間瞓得無咁好(小編睡眠質素唔好太好…)

以往專業運動員都會喺訓練時track住心率,因為如果長時間做高強度運動,對心臟負荷大同危險。依家呢一樣唔再係業運動員嘅專利,只要戴住Polar A370做運動,佢就會持續收集數據,即時顯示你嘅心率,如果見自己長期停留Zone 5(Zone1-5,Zone 5為個人最大心率嘅90-100%),就記得慢落黎抖抖。

雖然A370冇內置GPS,但當connect咗電話之後,就可以拎電話嘅GPS追蹤你跑步嘅速度、距離同埋跑步路線。而A370更配備手腕式加速感應器,跑步時無論係室內定入左隧道,都可以繼續track到你嘅速度同距離。

Polar其他藍牙運動手錶一樣,A370可以過數據Polar Flow app,更詳細咁睇到每一項數據。透過Smart Coaching功能可以有更多指引,例如做完運動嘅反饋、智能卡路里同埋運動效益等。而Polar Flow入面嘅Sleep Plus就當然有更詳細嘅睡眠數據。Polar Flow會根據你嘅data,自動俾返點樣獲得更好睡眠嘅反饋,咁用家就可以隨住意見去調整自己嘅睡眠時間同質素,從而有更好嘅睡眠管理同精神。

Polar A370 套裝備黑、白二色,零售價為HK$1,480

另外有黑、白、桃紅、深藍同湖水綠錶帶替換,零售價為HK$240

有關博能(香港)有限公司

Polar – 心率監測、活動追蹤等運動穿戴裝置的領導品牌。憑借近 40 多年極具創意的生理及運動醫學研究經驗及傳承,為不同體能水平的用家提供全面的產品系列,當中包括單車心率錶、運動穿戴裝置及活動追蹤設備、訓練應用程式及網上服務。

總部設於芬蘭 Oulu 附近,是一家私人企業。產品由芬蘭的專業團隊研發及設計,獲獎無數,並成為了消費者的首選。Polar 的產品在全球逾 80 個國家、超過35,000 家零售商發售。更多資訊,請參閱 polar.com

測試 / Feedtrip.com

Model / Luciana

 

回應

The author: Emily